განაშენიანება

შავიშვილის ქუჩაზე საცხოვრებელი კომპლექსის ტერიტორიის დაგეგმარებისას გათვალისწინებული იქნა მიმდებარე განაშენიანება და გარემო. შენობების სიმაღლეები და განლაგებაც მაქსიმალურად ითვალისწინებს მიმდებარედ არსებული უბნის მაცხორებლების ინტერესებს. ამის გათვალისწინებით, მინიმალური დაშორება არსებულ ხრუშოვკის სახლებსა და საპროექტო შენობებს შორის მერყეობს 20-დან 37 მეტრამდე, შენობების სართულიანობა 20 სართულიდან შემცირდა 12 სართულამდე. შენობების სიმაღლის შემცირების ერთ-ერთი პირობა იყო ისიც, რომ სიმაღლის გამო არ შემცირებულიყო მზის სხივის პირდაპირი მოქმედების ინტენსივობის ხანგრძლივობა და რაც შეიძლება ნაკლებად ჩამოფარებოდა მიმდებარე სახლებს მზის განათებულობის ასპექტში.

ჩატარდა საგზაო კვლევა, რომლის საფუძველზე დადგინდა, რომ საცხოვრებელი კომპლექსის აშენება ვერ მოახდენს ნეგატიურ გავლენას სატრანსპორტო ნაკადებზე როგორც მიკროუბნის, ასევე ვაკე-საბურთალოს რაიონის მასშტაბით.

ნებადართული განაშენიანების კოეფიციენტია ტერიტორიის 50% (K1=0.5), მაგრამ m² გეგმავს მხოლოდ მთლიანი ტერიტორიის 20%-ის (K1=0.2) ათვისებას. ნებადართული მშენებლობის მოცულობაა 49 000 კვ.მ. (K2=2.5), მაგრამ m² გეგმავს 35 000 კვ.მ. მშენებლობას (K2=1.8).